حسين .. لا انتي كبرتي وخرفتي بقي ما تلبسي بدلة رقص احسن واطلعي هزيلك هزتين بالمره !!
اعتدال .. قلتلك احترم نفسك يا حسين
حسين .. تغيري لبسك دا حالا
اعتدال .. مش هغير حاجة وبدال ما بتحكم عليا .. روح احكم علي مراتك احسن بلبسها المحزق والملزق ولا انت
مش شاطر غير علي اختك الكبيرة بس ! اوعي من وشي
ثم تفتح باب
الغرفة وتخرج الي الصالة .. حمادة يلمح اعتدال فيعجب بها بشدة يتوجه نحوها
حمادة .. ايه يا عم الجمال دا !! هتخليني كدا اتلخبط مين فيكم العروسة انتي ولا بنتك !
اعتدال .. يابني بطل بكش بقي
حمادة .. بس والله قمر .. عرفة لو مكنتيش لبستي الفستان كنت هزعل اوي
