المهم اتجوزت الحج حسين وقعدت معاه ١٠ سنين بدون حمل وفجأة ربنا اراد وحملت وفي اليوم اللي اتولدت فيه نهي بنتي هو اليوم اللي ماټ فيه حسين بسكته قلبيه مفاجأة !!
كان عمري وقتها ٢٤ سنه .. بقيت ارمله وانا اللي في سني لسة بيقولوا يا جواز !!
الحمد لله علي كل حال دا نصيبي وانا رضيت بيه ..
قررت اني اعيش حياتي لبنتي واربيها احسن تربية لحد ما كبرت واتخرجت من كلية الطب وبقت دكتورة اد الدنيا وانهارده خطوبتها علي زميل ليها معيد في الكلية اسمه عصام ..
وقفت قدام المرايا ..
يااااه اول مره اقف قدام المرايا من ٢٥ سنه !!
شيلت الاشارب من علي راسي وفردت شعري ..
ياااه دا بقي فيه شعر ابيض كتير ..
