فلاش باك
قبل اربع سنين بالزبط
كان عندي ١٥ سنة ، كانت هبة صاحبتي الوحيدة و ماما ومامتها صحاب جدا
في يوم اقترحت مامت هبة اني اخد دروس انجليزي مع هبة عند ابن عمها الي هو سعيد و فعلا ماما وافقت
من زمان و ماما بتعلمني اكون ست بمعنى الكلمة و ازاي اتعامل مع الناس خصوصا الرجالة لدرجة اني بقيت اظهر اكبر من عمري و كانت عيون الكل عليا
روحت للدرس مع هبة
هبة : ابن عمي هيعجبك اوي يا ندى ، ده دارس برا مصر و جنتل اوي و بيشتغل في شركة سياحة
قولت باعجاب : و عنده كام سنة
هبة : عنده ٢٥ سنة
