تجو،،ع البطن والنفس شبعانه تجوع البطن والنفس شبعانة.. زينات صدقي لم تجد ايجار منزلها ولم يحضر جنازتها أي فنان في يوم حلمت في منامها، ان في بيتها مصاحف من الحجم الكبير، والصبح راحت اشترت نفس
المصاحف من حي الازهر، وكانوا ضيوفها بتعجبهم المصاحف فبيطلبوها منها فبتديهالهم، ومفضلش منها غير مصحف صغير تقرأ فيه وبعد كل قراءة تكتب ورقة صغيرة فيها رسالة لربنا زي ،”يارب افتحها في وشي..يارب هات
لي شغل” يارب ارجع تاني اشتغل واسدد ديوني” .
وكان من بين الرسايل دي يارب تكرم ولاد اختي نادرة، وتهدي لها عيالها طارق وعزة، يارب تحنن على قلب
صاحب البيت وتخليه يصبر على في دفع الايجار المتأخر..يارب ساعدني ووفقني واكرمني في صحتي وابعتلي شغل” قعدت زينات صدقي 16 سنة في بيتها من غير شغل، مظهرتش الا في “السراب”، و”بنت اسمها محمود”
1975 وده اعلى فيلم اخدت فيه فلوس 500جنيه، وبدون اجر مجاملة للمنتجة لولا صدقي ظهرت فيلم “خطيب ماما”.
واول م الحال يضيق بيها تروح تشتغل في مسارح الشركات والجامعات. ورغم ظروف الحال الصعبة، كانت في العيد، الناس كلها بتشتري لحمة ، وزينات صدقي في بيتها بتاكل بدنجان، فكانت تاكل راضية ومبسوطة، وتجري
ع الاو،،ضه تجيب الصاجؤات وتغني: راح المال وراس المال وقرايبها يرددوا وراها: ومبسوطين وممنونين .
في مره عبد السلام النابلسي بيقولها بهزار: يا زينات مش معقول كلنا ارتقينا ورحنا الزمالك وجاردن سيتي
ومصرالجديدة، وانتى لسه قاعدة في عماد الدين، لازم تشوفي شقة تليق باسمك ، فردت عليه : واجيب منين عشرين جنيه كل شهر إيجار ش،،قة في الزمالك؟! خليني في عماد الدين على قدي..اهي عيشة والسلام.
