خرست حماتي علشان متقولش علي اللي عملته في ابنها
وقبل ما بدا حكايتي اعرفكم بنفسي انا هند عندي 30 سنة متجوزة وعايشة مع جوزى في بيت وعايشة معانا
حماتي وابنها المعاق
وفي يوم لقيت جوزى راجع من الشغل وفرحان وبيقولي
ياهند ياهند افرحي ياهند اتقبلت في مكتب السفريات اللي كنت مقدم فيه على سفر الحمد لله وخلاص هوضب الورق واسافر قريب
هند
بجد ياعماد يعني اخيرا هتسافر وحياتنا هتتعدل بقا انا مش مصدقه نفسي والله
عماد
صدقي ياحبيبتي ان شاء الله اسافر وابعت لك الفلوس وتعملي بيها كل اللي نفسك فيه بقا انا عارف انك نفسك
في الفلوس
هند
ما انت عارف ياحبيبي ان احلى حاجة في الدنيا دي الفلوس هي اللي بتخليني مبسوطة وكمان عشان نجيب شقة بقا واسعه وننقل فيها انا وانت لوحدها احسن ما امك قاعده لنا كده هي. واخوك علطول
عماد
ليه ياهند وهو انا لو جبت شقة هسيب امي واخويا لا ملكيش حق يا هند
هند
ياحبيبي انا مقصدش اننا نسيبهم خالص احنا هنفضل نيجي ونروح عليهم بس يبقا لينا شقتنا لوحدنا مش يبقو
كاتمين على نفسنا كده
عماد
لا انتي عارفاني انا مش بحب ازعل امي وعلى فكره انا لما اسافر هبعت لها فلوس عن طريقك وانتي تبقى تديها لها ماشي
هند
من عنيا ياحبيبي المهم دلوقتي السفر هيبقا امتى بقا عشان ابقي عارفه ولان بعادك عني هيتعبني اوي ياعماد
عماد
ياقلبي ده هما سنتين في الأول وبعدين هنزل اجازة وابقي ارجع تاني اسافر يلا تعالي لما اروح اقول لامي
وافرحها
وخرج عماد من اوضتنا وراح اوضة امه وقال لها
انا هسافر ياست الكل الحمد لله اتقبلت في المكتب اللي كنت مقدم فيه على السفر
الام
الف مبروك ياحبيبي وربنا معاك يارب ولان بعادك ده عني هيصعب عليا انت عارف اني مقدرش استغني عنك ياعماد
عماد
ياحبيبتي ما أنا هبقا معاكي علطول بالاتصال وكمان هكلمكم على النت صوت وصورة وكاني معاكم هو النت خلا
حاجة دلوقتي ده قرب المسافات
الام
تروح وترجع بالسلامة ياضنايا المهم تخلي بالك من نفسك بس
عماد
المهم انتي اللي تخلي بالك من نفسك ومن جمال اخويا انا كل شهر هبعت لك فلوس عشان جلسات العلاج بتاعته وتبطلي بقا تاخدي من الناس اللي بتساعد دي احنا مش عايزين مساعده من حد
الام
حاضر يابني وبعدين ياعماد فيها ايه لما الناس بتساعد انت عارف اخوك محتاج علاج غالي وأهل الخير بيساعدو
عشان غلبان ومعاق وانت كفايه عليك بيتك ومراتك
عماد
انا قولت انا هصرف ياما بس المهم بس تيجي التأشيرة واسافر علطول
الام
ربنا معاك ياضنايا
عماد
وانت ياجمال تخلي بالك من امك ماشي انت هتبقا الراجل هنا في غيابي
جمال بيتكلم مقطع لانه معاق ذهنيا
انت سافر عماد وانا اخلي بالي من امي تخافش عليها عماد
عماد
ههههه ماشي ياجمال انا مش هخاف عليها وانت لما تبقا عايز حاجة نفسك فيها ابقي قولي وانا اجيبها لك انت نفسك في ايه
جمال
انا نفسي في كمبوتر العب عليه العاب عربيات سباق انا احب سباق عربيات
عماد
حاضر ياجمال وانا هجيب لك احلى كمبيوتر عشان تلعب عليه بس انت ادعي لي علطول ماشي
جمال
حاضل عماد انا ادعي لك انت تلوح وتلجع بالسلامة يالب يالب
باس راسة عماد وقاله
ربنا يخليك ياجمال هاقوم انا عشان انام لاني رايح الصبح مكتب الجوازات عشان اخلص بقيت الورق
ورجع عند هند وقال لها
انا هنام بقا عشان رايح بدري اخلص الورق
هند
ماشي ياحبيبي وانا هاقوم اشطب المواعين اللي في الحوض دي عشان متباتش للصبح يلا تصبح على خير
ودخلت المطبخ وخلصت اللي ورايا وفتحت الفيس ودخلت الجروب
اللي
انا عضوه فيه وده جروب مشترك وشوفت واحد اسمة احمد منزل بوست بيقول حظي لون لبسك دلوقتي ياترى حظي لونة ايه
علقت بكومنت وكتبت
اسود
عمل ايموشن بيضحك ورد عليا وقال
ياساتر يارب يعني هو مفيش غير اللون ده
رديت بضحكة وقولت
حظك بقا وجه كده لاني فعلا لبسه حاليا اسود انا مالي بقا
هو
امممم ماشي مقبولة منك ياقمر
دخلت صفحتة وفضلت الف فيها وشوية لاقيته منزل بوستات تضحك وشوية حـzن وقولت لنفسي
انت باين عليك غريب اوي بس شكلة وسيم في الصورة اللي حاطتها بروفايل دي
وبقيت اعلق على كل بوست منزله وخرجت حماتي من اوضتها شافتني صاحية وماسكة الفون قالت لي
انتي لسه صاحية ياهند ده عماد كان بيقول انه هاينام عشان عنده مشاوير الصبح
رديت عليها بضيق
عماد نام لكن انا صاحية ولا انا لازم انام عشان هو نام يعني
الحما
لا يابنتي انا مقصدش حاجة ماتقعدي براحتك انا مالي انا هدخل الحمام وارجع انام تاني وسبتها ومشيت من
قدمها وهند قالت
روحي ياشيخة الهي ماتوعي انتي وابنك الأهبل ده
وبعدها فتحت الفيس تاني وفضلت اقلب في الصفحة ولقيت اشعار برسالة جاي لي منه وقولت لنفسي
ايه ده هو بعت رسالة على الخاص هو عرف منين اني بقلب في صفحتة لما اشوفه بعت ايه ولا لا لا انا هستني
شوية مش هرد دلوقتي لحسن يقول اني مصدقت ولا حاجة
وفضلت سايبه الرسالة معلقه شوية ولقيت نفسي رايحة افتحها ولقيته باعت بيقول
يعني هو انا لازم حظي يجي في اللون الاسود ده حتى الوقت متأخر على لبس الأسود ولا اوعي تكوني حزينة عشان كده لبساه
ضحكت وبعتت ايموشن بيضحك ورديت وقولت
لا انا مش حزينة ولا حاجة دي هدوم البيت هي اللي لونها كده
رد وقال
اها هدوم البيت واضح انك بتحبيه اللون ده اوي مش كده
هند
ايوه بحبه جدا
رد قال
امممم على فكرة ده احلى لون الأسود ده رقيق كده وبالزات في هدوم البيت
هند
هو انت بعت لي رسالة ليه هو انت تعرفني
هو
لا بس قولت نتعرف حسيتك كده روحك حلوه ومرحة في الجروب ومحبوبة قولت اتعرف بيكي ولا مش عايزة على
انا أسمي احمد عندي 38 سنة وانتي اسمك هند ولا اسم مستعار
هند
لا ده اسمي الحقيقي
احمد
عندك كام سنة
هند
ههههه مش بحب اقول سني بس انا أصغر منك يعني لحسن تفكرني كبيرة في السن ولا حاجة
احمد
لا لا اكيد اللي روحها حلوه كده مش كبيرة في السن يعني اكيد واحدة حلوه وصغيرة وسنها مش باين عليها
هند
احم على فكرة بتكسف
احمد
ههههه متجوزة ياهند ولا لسه انسة
هند
متجوزة وانت
احمد
متجوز بس مش سعيد يعني زي ماتقولي كده جوازة اتحسبت عليا وخلاص
بعدها فضلت اتكلم معاه كتير وهو يشتكي لي من مراتة وانها تعبانة ودايما بعيد عنه عشان
هي مريضة قلب وبتحتاج لادوية وراحة
وانا فضلت احكي له عن بيتي وحياتي والصبح جه واحنا لسه بتكلم والآخر قفلت معاه ونمت وبعدها صحي عماد
وخرج من الاوضة امه قالت له
هي مراتك لسه نايمة ياعماد هي مش هاتقوم عشان تحضر لك الفطار ولا ايه
عماد
لا يا أمي سبيها نايمة وانا هعملي ساندوتش خفيف عشان الحق انزل اروح اخلص الورق اللي ورايا ده
الام
طيب يابني ربنا معاك وييسرلك امورك بأن الله
ومشي عماد وفضلت نايمة لحد بعد الضهر ولما صحيت وخرجت الصاله وحماتي قالت لي
كل ده نوم ياهند ايه يابنتي العصر هيادن اهو
هند
وهو انا يعني ورايا ايه عشان اصحى من بدري ايه هصحي احلب الجاموسة ولا ايه وبعدين هو انتي مش بتعملي
الاكل اهو عايزة مني ايه بقا
الحما
يابنتي انا مش عايزة
حاجة خالص
اعملي اللي مزاجك انا مالي بيكي
هند
ااه ياريت تخليكي في حالك يا حماتي عشان متسمعيش كلام مش يعجبك
وفتحت التليفون بتاعها ولقت رسالة من أحمد بيقول لها
صباح الجمال ياقمر
ضحكت وقولت لنفسي
يخربيتك وانت كلامك حلو كده ردت وقالت صباح النور يا احمد اخبارك ايه معلش لسه شايفه الرسالة اصلي لسه صاحية من النوم
احمد رد عليا وقال
يابختك ياعم لسه صاحية مش زي حالتي في الشغل من بدري ومطحون
هند
ربنا معاك يا احمد المهم فطرت قبل ماتروح الشغل ولا لا
احمد
والله ياهند انا مش بلاقي حد يفطرني قبل مانزل فجيب لي ساندوتش كده على الماشي يعني
هند
لا لا لازم تهتم بنفسك وتفطر قبل ماتنزل لشغلك
احمد
لما الاقي حد يفطرني بقا المهم يابخت جوزك بيكي زمانه عايش في هنا طبعا
هند
احم ايه ياعم انت هتقر علينا ولا ايه ههههه
وفجأة دخل عماد من باب الشقة وانا بعت ليه رساله بقوله طيب يا احمد انا هقفل دلوقتي لحسن جوزي رجع يلا باي
احمد
مع السلامه ياقمر هنسهر سوا بقا النهاردة اوعي تنامي بدري
ودخل عماد وقال لي
هنوود خلاص ياحبيبتي السفر اتحدد وهسافر الاسبوع الجاي والدنيا هتحلو بقا
هند
الف مبروك ياحبيبي تروح بالسلامة المهم تكلمني كل يوم ماشي انا هفضل مستنية مكالمتك بفارغ الصبر
عماد
ده انا هزهقك مكالمات ياقلبي طبعا
وعدت الايام وفضلت اكلم أحمد وهو كمان وسافر عماد وسابني مع أمه وأخوه وفي يوم حماتي قالت لي
هو انتي يابنتي بتفضلي ليه صاحية طول الليل على البتاع اللي اسمه المحمول ده وتفضلي نايمة لحد المغرب
هند
وانتي عايزة مني ياوليه انتي انام لحد المغرب لحد الفجر ايه دخلك في حياتي بقولك ايه انا مش عايزة قرف انا
مش ورايا حاجة ماشي
الحما
هو انا كل لما اكلمك كلمة تعملي كده فيا هو ايه يابنتي هو انا بتكلم في ايه يعني الله هو ابني مشي وسابني للهم ده
هند
هم انا هم ياوليه طيب ابقي شوفي مين اللي هيعملك الطفح انتي وابنك ماشي
الحما
الله يسامحك ياهند انا مش عايزة منك
رد جمال وقالي
انتي وحشة هند وحشة انا مش احبك انا حب عماد بس انتي وحشة
هند
بس يالا انت مش عايزة اسمع صوتك انت سامع ولا لا لحسن والمصحف اعلقك هنا في الصاله
قولت له كده وسبتهم ودخلت اوضتي وفضل جمال يعيط زي العيال الصغيرة
واتصل بيا عماد وقالي
انا بعت لك فلوس ياهند تروحي بكرة تسحبيهم وتدي لأمي نصهم عشان تودي جمال للدكتور ومش تحتاج لحد
هند
حاضر يا عماد وبعدين ماهو بيجي له مساعدات انت عايز تصرف عليه ليه بقا مكفايه اللي بيجي
عماد
لا ياهند انا مش عايز امي تمد ايديها تاني لحد انا عايز امي تاخد مني انا وبس وبعدين الحمد لله انا ربنا فاتحها عليا على الآخر ومش هبخل على امي واخويا
هند
ماشي ياعماد اللي تشوفه
وفعلا تاني يوم رحت سحبت الفلوس واديت لحماتي جزء بسيط منهم واخدت الباقي ولما عماد سالني قولت اني اديتها نص الفلوس وفي يوم بكلم أحمد وقالي
معلش ياهند معرفتش ارد عليكي بالليل اصل انا كنت زهقان اوي ومخڼوق
هند
وايه اللي مزهقك كده يا احمد مالك قولي متخبيش عليا
احمد
مفيش اصل انا كنت زهقانة عشان مراتي كانت محتاجة علبه دوا غاليه اوي وبعدين معرفتش اجيبها لها وحاسس اني قليل اوي
هند
طيب ولما انت محتاج فلوس ماقولتش ليه يا احمد ما أنا معايا الفلوس جوزي بيبعت لي كل شهر فلوس بروح
احطها في البنك لاني مش بحتاجها
احمد بخبث
لا لا طبعا ياهند انا مش هينفع اخد منك فلوس لا طبعا انا مش هينفع اخد
منك
هند
طيب ليه بس
يا احمد وهو انا ايه وانت ايه وبعدين انت مش قولت لي اننا بقينا واحد انا عايزاك متتكسفش مني واطلب اللي انت عايزة ها قولي بقا انت عايز كام
احمد
ياهند اصل…….
هند
مفيش اصل خلاص قولي بقا وحياتي يا احمد قولي عايز كام وانا اخر النهار أحول لك المبلغ على رقمك
احمد
امممم ماشي ياهند كنت عايز. وقالي على المبلغ اللي هو عايزة ورحت فعلا حولت له الفلوس وبعدها فضلت
اكلمة علطول
وفي يوم حماتي عماد قال لها
انا ببعت لك الفلوس ياما بتوصل لك قولي لي عشان انا مأكد على هند تديكي الفلوس اول بأول
الام
اه يابني بتديني قرشين لما انت بتعبت لها بس انا هرجع اخد المساعدات ياعماد تاني اصل الفلوس مش بتكفي العلاج بتاع اخوك
عماد
مش بتكفي ازاى يعني انا ببعت لك وبزيادة طيب اقفلي ياما وانا هكلمها واشوف الموضوع ده
وفي الوقت ده كنت بكلم أحمد فيديو ولقيت عماد بيتصل وقولت له
يوووه ده عايز ايه ده وبيتصل بيا ليه دلوقتي
احمد
في ايه ياحبيبتي مالك
هند
الزفت جوزي بيتصل بيا استني ياحبيبي هرد عليه وارجع لك اكلمك تاني هاشوف عايز ايه ده
وقفلت مع احمد ورديت على عماد وقولت له
في ايه ياعماد انت اول مره تتصل في الوقت ده يعني
عماد
انتي مش بتدي لأمي الفلوس اللي قولت لك عليها ليه ياهند
هند بتوتر
ف ف فلوس ما أنا بديها ياعماد ولا هي سلطتك عليا وقالت لك اني مش بديها
عماد
لا طبعا امي مقالتش كده بس انتي بتديها فلوس اقل من اللي انا قايل لك عليها عشان علاج اخويا
هند
انا بديها ياعماد فلوس وبعدين احنا اتفقنا اننا هنحوش عشان نجيب شقة يعني هو انا الحق عليا اني بوفر لك
عشان نقدر نجيب شقة
عماد
وانتي مالك ومال التحويش انا ببعت فلوس عشانك انتي وامي واخويا عشان تصرفوها عليكم مش عشان تحوشي منها ادي لأمي الفلوس كلها ياهند بدال محول لها هي على رقمها وهي اللي تديكي مصروفك
هند
لا لا ياعماد خلاص انا هديها الفلوس بس اوعي تعبت عليها امك جاهلة ومش هتعرف تتصرف ماشي
عماد
ماشي ياهند لما اشوف اخرتها معاكي
قال كده وقفل معايا وقولت له
داهيه تاخدك انت وامك عكننت عليا ورحت فتحت الرساله مع احمد عشان اكلمة
وانا بكلمة دخل عليا جمال اخو عماد وقال لي
انتي كلمي مين هند انتي كلمي لاجل غيل عماد اخويا انا اقول لامي انتي كلمي لاجل تاني
ورحت مسكاه بسرعة ومسكت سکينة الفاكهة وقولت له
انت عارف لو نطقت بكلمة واحده انا هقطع لك لسانك انت سامع اللي شوفته دلوقتي اياك تقولة لحد بص
السکينة دي هتقطع رقبك
جمال پخوف
خلاص خلاص هند مس اقول لامي ولا عماد خلاص خلاص بس مس تقطعي رقبتي
هند
ايوه اسمع الكلام وخليك حلو يلا غور روح عند امك
وراح عند امه وهو بيرتعش وامه قالت له
مالك ياجمال مالك ياحبيبي بترتعش كده ليه
جمال پخوف
مافيس ياما انا انا عايز انااام مس الوح عند هند تاني انتي لوحي عندها
الام
الله هو انا مش كنت بعتاك لهند عشان تنادي عليها وتقول لها تيجي تكلمني
جمال
لا لوحي انتي نادي عليها انا لا انا انااام يلا انااام
حماتي قالت لنفسها هو ماله الواد ده خاېف كده ليه تكونش خوفته البت دي منها لله البعيدة دي راعبه الواد
وعدت الايام وكل لما جمال يشوفني ېخاف مني وامه تقوله
روح ياجمال خلي هند تعملي كوباية شاي
جمال
لا لا لوحي انتي قولي انا لا
حماتي قالت لي
هو انا كل لما اقول لجمال ينادي عليكي احس انه خاېف منك ليه
هند
وهو هيخاف
مني ليه ياحماتي وبعدين
انتي كنتي عايزة حاجة
الحما
اه يابنتي عايزة اشرب شاي مش قادرة اقوم اعمل لنفسي
هند بزهق
طيب هعملك ودخلت المطبخ وعملت لها الشاي وشربتة ودخلت اكلم أحمد وقالي
انا مش عارف اعمل ايه ياهند اجيب منين انا تعبت ياهند ومش عارف اعمل ايه
هند
في ايه يا احمد بس مالك ياحبيبي انت ايه اللي مزهقك كده
احمد
الفلوس ياهند الفلوس مأثرة معايا اوي ومش عارف اعمل ايه محتاج فلوس عشان العلاج بتاع مراتي انا شكلي هعمل في نفسي حاجة
هند
بعد الشړ عليك ماتقولش كده انا فداك وهديك كل الفلوس اللي انت عايزها هبعت لك الصبح كل الفلوس اللي
معايا بس متعملش في نفسك كده
احمد بخبث
انا مش عارف اقول لك ايه ياهند ربنا مايحرمني منك بس اعتبري الفلوس دي سلف وانا هردها على فكرة
هند
متقولش كده ياحبيبي فلوسي هي فلوسك المهم احنا مش هانتقابل بقا نفسي نتقابل
احمد
قريب ياحبيبتي قريب جدا
وبعدها فعلا قابلت احمد وكنت يوم عن يوم بتعلق بيه اكتر
وفي حماتي قالت لي انها رايحة تزور واحده قريبتها وسابت جمال نايم وانا ندهت عليه وصحيتة وقولت له
تعالي انا عايزاك ياجمال
وجه عندي ورحت مسكاه في الصالة وقولت له
هتفضل هنا مربوط لحد لما افك بمزاجي ماشي اياك تنطق بكلمة انت سامع
فضل يعيط زي العيال الصغيرة وانا دخلت اوضتي وفضلت اتكلم مع احمد ونسيتة خالص ورجعت حماتي من برة شافته قالت
يلهوي ايه اللي عمل فيك كده ياجمال ايه ياحبيبي
جمال بيعيط جامد
هند وحشة هند وحشة هي عملت كده
الام
ياحبيبي يابني انتي يلي اسمك هند انتي يابت انتي
ورحت جري عليها وقولت
في ايه ياولية مالك انتي بتنادي عليا كده ليه عايزة ايه
الحما
انتي رابطة الواد الغلبان وسيباه كده ليه حـrام عليكي ياشيخة ربنا ينتقم منك اتاري الواد بېخاف منك وانا اقول بېخاف ليه اتاريكي ړعباه
هند
بقولك ايه ده قليل الادب ولازم يتربى وانتي ياختي مدلعاه قولت اربيه
