الفنانة ذكري الحقيقة الكاملة التي أخفيت لسنوات طويلة الحلقه الاولى لل طبعا أنتو أول ما بتسمعو كلمة ذكري على طول بتقولو أن السعودية إلليكانت سبب فيإنهاء حياتها سيبكوا بقى من
كل إللي اتقال ونركز كده مع بعض في التفاصيل لإنها كتيرة عشان نحاول نوصل للحقيقة توكلنا على الله. شوفوا أنا مش هطول قوي في قصة حياتها لإن فيه أحداث كتير
وسيناريوهات أكتر عايزين نحكيها كلها لكن إللي مهم تعرفوه إن ذكرى محمد الدالي اتولد 16 9 1966م في تونس. وكانت موهبة فذة من صغرها وفضلت تغني في تونس من سنة
80 لسنة 90 وكانت مشهورة وناجحة جدا. دي غنت في مهرجان قرطاج بحاله وبعدها سافرت على ليبيا واشتغلت مع أكبر الملحنين هناك وبقت مقربة جدا من النظام الليبي أو نقدر
نقول إنها بقت مغنية النظام عايزاكوا تركزوا كويس علشان كل تفصيلة في الحلقة دي مهمة جدا سنة 94 جت ذكرى على مصر وده التطور الطبيعي لأي فنان عربي عايز يكبر
ويشتهر وعملت أول ألبوم. ليها في مصر سنة 95 ألبوم وحياتي عندك إللي كسر الدنيا حرفيا والدليل إنك بتغني الأغنية دلوقتي أهو وانطلقت بعديها ذكرى وعملت أغاني كلها تحفة بس
إحنا بقى نفكنا من الأغاني والحاجات الفنية دي مش سكتنا وندخل في المهم يلا بينا سنة 2003 ذكرى بقى عندها 37 سنة ولسه ما اتجوزتش وهاني مهنا كان هو المسؤول
عنها تماما في مصر وكانت بتعتبره أبوها الروحي وصديقها المقرب في الوقت ده بقى ذكرى حبت تتجوز. مين بقى أيمن السويدي إللي هو مين أيمن ده أيمن عوض صادق السويدي
صاحب مصنع السويدي للكابلات أكبر شركة أدوات كهربائية وأحسنهم الصراحة يلا إعلان ببلاش أهوأيمن كان متدلع جدا بس كان عصبي پجنون وكان عنده هواية غريبة كده كان يحب قوي يتجوز
الفنانات يعني خد عندك مثلا اتجوز حنان ترك عرفي سنة 95 وحنان فضلت تنكر الجوازة دي إللي ما استمرتش أكتر من شهر أصرت بعده على الطلاق ووزعت شوكولاتة كمان. بعد
ما طلقها وفضلت تقول إن الجوازة دي محصلتش وإنهم أصدقاء مش أكتر لحد ما نشر لها أيمن قسيمة الطلاق في الجرايد وبعدها اتجوز الرقاصة هندية. لأ دي مش جنسيتها ده
اسمها إللي طلعت مع عادل إمام في فيلم حنفي القبهة كانت بترقص في فندق شيبرد شافها عجبته اتجوزها وكتب لها مؤخر مليون جنيه مليون جنيه في التسعينات أنتوا متخيلين الرقم
واتطلقوا برضو بسبب عصبيته الچنونية بعدها اتجوز جيهان قمري. 24 ساعة بحلهم وبعدها ناني الرقاصة وبعدها نادية المغربية. بعدها أيمن يتعرف على مين بقى ذكري وبقوا أصدقاء جدا. وبعد وقت
قصير أيمن حبها وخصوصا لما حس إنها مش طمعانة فيه زي إللي قبلها. وإللي كانوا بيطلبوا مؤخر كبير عشان لما يطلق يبقوا أمنوا مستقبلهم حقهم الصراحة ده بيتجوز بال ساعة.
المهم طلب أيمن ذكرى للجواز. قالت له أنا موافقة بس المهم هاني مهنا يوافق. بس طبعا هاني مهنا ما وافقش وقال لها ده راجل لاعبي وبتاع ستات مش بتاع جواز
خالص ومش هو لوحدة إللي قال لها كده. على فكرة كل إللي يعرفوها. قالولها بلاش. المهم أيمن راح لمهنا لحد بيته وقال له أنا اتغيرت والله مش عارف أتغير إمتى
بس ماشي وبحب ذكرى ومش عايز غيرها وأنت هتبقي بابانا والنبي توافق طب ما هي ذكرى عايزاه وهو عايزها يبقى العروسة للعريس وألف مبروك واتجوزوا عرفي في أغسطس 2003 وقضوا
— شهر العسل في شرم الشيخ. مش فاهم إيه سر الجواز العرفي ده الصراحة لحد كده قصة تبان كيوت وجميلة وانتهت نهاية سعيدة بس إللي محدش يعرفه. أن المشاكل والخناقات
بدأت بين أيمن وذكرى من وهما في شهر العسل. لما جه معجب يسلم على ذكرى. راح أيمن إللي اتغير ده ضربها وضربه. وهي طبعا طلبت الطلاق بس هو قال لها
سوري يا بيبي فكرني بعادل هيكل في فيلم إشاعة حب ده غير إنه كان شكاك جدا وبيلاحقها في كل حتة ويبعت وراها كمان ناس تراقبها. وعلى فكرة هو كان بيعمل
كده مع كل واحدة يرتبط بيها مش ذكرى بس يعني. ولما سافرت ذكرى باريس بعد شهر من جوازهم كان شاكك إن أخو أمير قطر هو إللي بيصرف عليها هناك بس
لما رجعت. اتخانقوا خناقة لرب السما وقالت له انا اشرف من الشرف. الكلام ده مش حقيقي. وبرضو طلبت الطلاق. بس هو قال لها سوري يا بيبي. آخر ظهور لذكرى وأيمن
بقى كان في سحور عامله السيناريست فيصل ندى وأيمن. في اليوم ده ضحك مع الكل وبس ذكرى أكتر من مرة وكل شوية يقول إنه بيحبها أكتر من نفسه فأي حد
يشوفهم هيقول دول الإتنين بيعشقوا بعض. مع إن ذكرى اعترفت للمقربين ليها إنها ندمانة على جوازتها من أيمن بسبب غيرته وشكوا فيها. ويوم 27 رمضان. سافرت. ذكري قطر عشان تحيي
حفلة العيد الوطني بتاعهم. وطبعا أيمن ما كانش موافق عشان حوار أخو الأمير ده. بس هي أصرت وسافرت أصلها ارتباطات وعقود مش تهريج يعني وطلعت من قطر على ليبيا أحيت
حفلة هناك وسجلت آخر أغنية في حياتها ورجعت بالسلامة على مصر يوم الأربع 26 نوفمبر أول يوم العيد ها مستعدين مركزين أيمن وذكرى كانوا عايشين في شقة في الزمالك سوري
يعني إني أقول عليها شقة قصدي ملعب مساحته 1000 م ويوم الخميس 27 نوفمبر. أيمن قل لذكري تعالي نخرج نسهر في الكلوب بتاعي. قالت له لأ. أنا مش قادرة. روح
أنت وابعت لي خديجة تقعد معايا. خديجة دي تبقى مرات. عمرو الخولي مدير أعمال أيمن وعمرو ده على فكرة ابن الوزير حسن صبري الخولي الممثل الشخصي لعبد الناصر المهم خرج
أيمن وعمرو وسهره في الكلوب. اللي هو الديسكو وربنا يحفظنا منو يارب… يتبع.. الفنانة ذكري الحقيقة الكاملة التي أخفيت لسنوات طويلة الحلقه الثانيه وعمرو ده على فكره ابن الوزير حسن
صبري الخولي الممثل الشخصي لعبد الناصر. المهم خرج أيمن وعمرو وسهره في الكلوب ورجعوا الساعة 330 الفجر كده إللي هنقوله دلوقتي هو الكلام إللي قالوه الشهود يعني الكلام الرسمي يعني
كوثر رمزي ودي كانت ممثلة بتلعب أدوار سنوية وبتتقرب من الفنانات بحجة إنها بتقرا الفنجان وكده بتقلب رزقها يعني وكانت موجودة مع ذكرى في اليوم الأسود ده وقالت إن أيمن
كان راجع متعصب جدا وأول ما شافها قال لها روحي اقعدي في الصالون. واقفلي عليكي الباب وقال للشغلتبن بردو أدخلوا أوضتكم واقفلوا عليكوا وعلى الساعة 500 الفجر كده بدأت الأصوات
تعلى والخناق يزيد وسمعوا أيمن بيقول للذكرى إنتي لازم تعتزلي عشان إنتي بټخونيني وأنا عرفته هو مين لكن ذكرى قالت له أنت تحمد ربنا أصلا إنك اتجوزتك وكل الناس قالوا
لي بلاش وأهلي قاطعوني بسبب جوازنا وطبعا كالعادة قالت له طلقني بس هو المرة دي ما قلهاش سوري يا بيبي وراحت خديجة قالت له لأ لأ يا أيمن ما ينفعش
كده. أنا لو جوزي — لا يمكن أسمح له يقول لي كده أبدا يا أختي اتنيلي أديكي ھتموتي إنتي وجوزك وعلى الساعة 530 كده فتح أيمن لكوثر الباب وقال لها
أمشي ودخل مكتبه جاب كلاشنكوف وخرجوا وهو بيشوط في الكل وعمرو وخديجة يقولوا له اهدى يا أيمن اهدى يا حبيبي لكن في ثواني كان فتح سن الطلقات عليهم كلهم نعد
بقى كده مع بعض ذكرى 25 طلعة في الصدر والبطن وطلقة في الفك
