قصة انا ياسلفتي بقلم كوكي سامح

شاهد أيضاً: أول رد من عائلة محمد فوزي على إدعاء كريم الحو في «The Voice»: «الراجل ده كـdاب»

قصدك الكابوس اعوذب بالله انا لما بسمعه منك جسمى بيقشعر شوق : اومال انا اعمل ايه انا لما بشوفوا بقوم مخنوقه عارفه لو مره مش مشكله هيبقى حلم زى اى

p1

حلم إنما علطول بحلم بيه فاطمه : وايه دخل الحلم فالهفتك دى ووشك الأصفر ده انتى شكلك مخضوض اوى شوق : ماما كلمتنى وكان عندها ست شيخه بس ايه قادره

وهتفسر الحلم هى قالت حاجه بس انا عاوزه اتأكد وبرضه خايفه 😢 فاطمه : شيخه ياااه انا بموت فالحاجات دى انا هاجى معاكى شوق : والصيدليه فاطمه : فايز هناك

ومعاه البت اللى هيخطبها واقفه معاه علشان كده مشيت هو بالمحسوس كده قالى أمشى شوق : خلاص تعالى وشوق وفاطمه راحوا ع بيت مامت شوق ووصلوا البيت وطلعوا وشوق خبطت

وأم شوق فتحت وشوق قالت.. ماما هى فين ست الشيخه الأم : فالصالون ادخلى هى قاعده جوه مستنياكى من بدرى شوق : تعالى ادخلى يا فاطمه معايا الام : ازيك

يا فاطمه عامله ايه يا بنتى ربنا يسعدك واشوفك عروسه فاطمه : يارب يارب ادعيلى بقولك يا ام شوق هى الشيخه دى بتفهم فالاعمال اصلى كنت عاوزه اشوف بختى مع

انى عارفاه بس هجرب الام : اه دى سرها باتع وبتشوف وكمان بتشوف الفنجان فاطمه : طيب كويس شوق : بطلى رغى يا فاطمه الشيخه مستنيه جوه وشوق دخلت ع

الشيخه وقالت السلام عليكم يا ست الشيخه الشيخه : وعليكم السلام تعالى يا شوق اققعدى وشوق قعدت وقالت تعالى يا فاطمه الشيخه : مين دى فاطمه : انا صاحبه شوق

وفى مقام اختها انا تقريبا مليش غيرها الشيخه : عندك حلم يا فاطمه فاطمه : لا انا نفسى اشوف الفنجان لو حضرتك بتعرفى نفسى اشوف بختى مع انى عارفاه الشيخه

: محدش لى فى نفسه حاجه ومحدش يعرف بكره فى ايه غير ربنا شوق : انا عاوزه تفسير الحلم الشيخه : احكيه وعاوزاه بتفاصيله شوق : انا بشوف انى لابسه

فستان فرح ابيض وعروسه بس الفرح ساكت والغريب فالحلم ان الناس بترقص من غير صوت انا مش سامعه موسيقى خالص بس كل اللى بيضايقنى انى قاعده عالكوشه لوحدى وبقول انا

عروسه ومن غير عريس ومحدش سامعنى مع انى صوتى عالى وبقوم مفزوعه من النوم مع انى متجوزه الشيخه : انا مش هفسر علشان لسه فى باقيه للحلم شوق : ازاى

ده الحلم كله الشيخه : يعنى اقولك انك هتموتى شوق : اموووت فاطمه : تموووت؟! بعد الشر الشيخه : الله اعلم بس خلى بالك من نفسك كويس. ايه يا شوق

اتخضيتى ولا عاوزه اقولك كلام حلو انك هتخلفى مثلا ورزقك هيوسع شوق : ياريت اخلف الشيخه : ربك كبير فاطمه : وانا الشيخه : عندك حلم فاطمه : لأ بس

عاوزه اشوف الفنجان الشيخه : انتى هتجيلى بيتى ولوحدك يا فاطمه علشان فى كلام كتير فاطمه : كلام ايه الحقى يا شوق هى بتبرق كده ليه شوق : فين ده

دى شكلها عادى فاطمه : انا عاوزه اتجوز ويتقدملى عرسان الشيخه : قولتلك انتى هتجيلى بيتى فاطمه : مينفعش هنا الشيخه : لا وقبل ما تيجى تكونى صايمه انتى فاهمه

فاطمه : حاضر بس امتى الشيخه : خودى تليفونى وهتفق معاكى ع ميعاد وهتصل بيكى قبلها يلا قومى قومى فاطمه : شوق هى بتزعقلى ليه شوق : يا ست الشيخه

انا مش مرتاحه عاوزه اعرف تفسير حلمى انا تعبانه الشيخه : قولتلك لما يكمل تعالى وانا هفسرلك الحلم قومى يا بنتى والشيخه حطت ايدها ع بطن شوق وقالت انتى مخلفتيش

ليه يا شوق لحد دلوقتى علشان امك زعلانه عليكى اوى شوق : نصيبى كده انا مبخلفش بس انا عارفه ده ذنب مين وبتعذب بيه لحد دلوقتى الشيخه : قومى يا

بنتى روحى بيتك وخودى صاحبتك معاكى وخلى بالك ع نفسك شوق : مع السلامه يا ست الشيخه ماما انا همشى علشان متأخرش يلا يا فاطمه وفاطمه قالت بصوت عالى هبقى

اكلمك يا ست الشيخه وقالت طيب لما اتصل بحضرتك هو انتى اسمك ايه الشيخه : هههههههههه أسمى عاوزه تعرفى أسمى فاطمه : لو مش عاوزه خلاص الشيخه : ليه هو

سر انا أسمى صافيه فاطمه : خلاص انا هسجله فى تليفونى الشيخه صافيه وشوق خدت فاطمه ومشيوا وروحوا عالبيت وشوق قالت لفاطمه فالطريق كان نفسى اعرف تفسير الحلم فاطمه :

الشيخه دى شكلها بتفهم اصبرى ع رزقك ده وهى بتبرقلى خوفت منها لا تعرف ب المصيبه اللى بنعملها شوق : تصدقى وانا شوق : ايه ده اشرف سلفى اشرف :

على فين يا شوق ازيك يا انسه فاطمه فاطمه : كويسه كويسه انا همشى يا شوق وابقى كلمينى سلام اشرف : هى مالها البت دى لما بتشوفنى بتجرى وبتتفزع مش

قولتلك بلاش مشى معاها شوق : كتر خيرها يا اشرف ماما كانت تعبانه ومحدش وقف معايا غيرها اشرف : الف سلامه مخدتيش اميره معاكى ليه اه نسيت انها لسه والده

عقبالك وان شاء الله ربنا يكرمك… طيب كنتى خدى حماتك يا ستى شوق : حصل خير انت مروح البيت اشرف : ايوه يلا وشوق وأشرف راحوا البيت وأشرف قال ايه

ده هو باب السكه محدش قفله ليه دى الساعه عدت 8 بالليل شوق : معرفش وشوق طلعت دخلت ع شقه حماتها وشافت حماتها قاعده بتتفرج عالتلفزيون شوق : ازيك يا

ماما شوق : ماما اشرف طلع وقال ازيك يا حجه مالك انتى تعبانه شوق : معرفش شكلها مسهم مش عارفه فى ايه الحماه : ههههههههههه ههههههههه الفيلم ده حلو اوى

اشرف : ده مش فيلم يا حجه ده برنامج الحماه : هههههههه انا داخله انام بت يا اسمك ايه ههههههه انتى اسمك ايه شوق : اشرف ماما شكلها تعبان اشرف

: الظاهر كده وأشرف اخد امه ونيمها فى اوضتها وقال لشوق اطلعى نامى هى هتنام وهتبقى كويسه شوق : انا هقعد معاها وهبات معاها النهارده ما انا كده كده قاعده

لوحدى اشرف : انا هدخل ومن وقت والتانى هبقى اجى اطمن الساعه داخله ع 9 هدخل أكل لقمه انا تعبان طول النهار فالشغل شوق : نام انت وانا قاعده معاها

ولو فى حاجه هقولك بس هى شكلها كويس وشوق قالت فى سرها هى فين اميره نفسى اشوفها هى شكلها عامل ازاى اشرف : تصبحى ع خير وأشرف دخل شقته واول

ما دخل شاف بنته منه قاعده بتلعب فالصاله ودخل ع المطبخ ملقاش اميره ودخل ع اوضه النوم وشاف ابنه عبدالله بيعيط وقاال اميره فين؟ دى مش هنا وخد ابنه ودخل

ع شوق وقالها خودى عبدالله فى كارثه مش عارف اميره راحت فين… وأشرف قال لشوق خودى عبدالله يا شوق علشان فى كارثه اميره مش موجوده فالبيت وشوق قالت هتكون راحت

فين يعنى وأشرف رجع شقته وجاب منه بنته وقال لشوق خلى بالك من منه وعبدالله وانا هروح عند حماتى اشوف اميره بس ازاى تخرج دى لسه والده شوق قالت فى

سرها يارب ما ترجع ع قد السم اللى بيخرج من لسانها وبصت لمنه وعبدالله وقالت ده انا لسه معملتش حاجه وانتم بقيتوا معايا…… وأشرف نزل يجرى زى المجنون يشوف اميره

راحت فين لأنها تعبانه ووالده ومش بتخرج غير بإذن منه ونزل وفتح باب السكه بتاع البيت وراح ع بيت حماته وسأل ع اميره وملقهاش وهو راجع ومعاه اخو اميره الكبير

واسمه محسن علشان يدوروا ع اميره محسن : اميره اهى يا اشرف اشرف جرى وقال اميره ايه ده انتى قاعده فالشارع ليه محسن : مالك يا بنتى متردى ع جوزك

انتى تعبانه اميره : هههههههه لا مش تعبانه انا فى بيتى اهو انتم اللى فى ايه انا قاعده ع السرير اهو واميره ماسكه فى ايدها طوبه وقالت وعبدالله اهو خد

امسك ابنك اشرف : محسن اختك شكلها مش طبيعى محسن : ما هى لسه والده انتى مزعلها فى حاجه اشرف : لا خالص والله وأشرف خد اميره من ايدها وراح

بيها عالبيت وكان معاه محسن واول ما دخل شاف عبدالله ومنه قاعدين مع شوق شوق : اميره كنتى فين يا حبيبتى اميره : انا اهو قدامك هههههه واميره مسكت عبدالله

من ايد شوق وراحت حدفاه عالكنبه اشرف وشوق قالوا ايه ده اشرف : لا انتى فى ايه بالظبط شوق : تعالى يا أميره أغسلى وشك محسن : خلى مراتك تستريح

وخد منه معاك وسيب عبدالله مع شوق اشرف : هسيب الاتنين معاها شوق : خد مراتك وروح شقتك وعبدالله ومنه معايا اميره دخلت شقتها وكانت حاسه بنفسها وقالت انا عاوزه

ولادى مش هسبهم اشرف : تعالى 😁 وأشرف اخد اميره ودخل شقته وشوق اطمنت ع حماتها انها نامت وقالت تنامى ما تقومى انتى والعقربه اميره بنت اختك حسبى الله فيكم

خساره انى اققعد معاكى وقالت لمنه تعالى يا قلبى ❤️ وشالت عبدالله وخدتهم ع شقتها ودخلت شقتها وقعدت وقالت بس عبدالله لازم يرضع مش عارفه اعمل ايه وقالت فكره واتصلت

بفاطمه وطلبت منها ببرونه واحسن لبن للرضاعه علشان تعود عبدالله عليه وقالت لفاطمه انها مستحرمه عبدالله يرضع من اميره علشان حبوب الهلوسه وفعلا فاطمه مكدبتش خبر وجت لشوق ومعاها الببرونه

واللبن وقالت لها الطريقه ازاى وكمان لازم تعقم الببرونه كويس شوق : معلش هتعبك انا عمرى ما خلفت ولا حتى رضعت عيل فاطمه : يا بت عبدالله هيعوضك ومنه كمان

شوق : صدقينى انا مش وحشه انا بس اللى سلفتها بتوجعها لمجرد انها مبتخلفش مع انه بتاع ربنا محدش لى فى نفسه حاجه فاطمه : بكره تغور وترتاحى منها فاطمه

: المهم اسكتى ست الشيخه دى غريبه وكلامها أغرب شوق : فاطمه بعدين عبدالله حبيبى جعان بعدين هكلمك ونرغى فاطمه : ربنا يفرحك يا حبيبتى 😍 تصبحى ع خير وفاطمه

مشيت وشوق حضرت اللبن لعبدالله وكمان نزلت جابت بامبرز من اشرف واطمنت على اميره واشرف قالها هى قاعده عالسرير ومش عاوزه تنام شوق : انا طالعه؟ منه وعبدالله لوحدهم وكانت

ملهوفه عليهم اوى اشرف قال لشوق تسلمى ع زوقك يا مرات الغالى شوق : دول ولادى وخدت بعضها وطلعت ع شقتها وشوق طلعت شقتها وقالت اول مره احس الاحساس ده

الامومه 💖 ياااه احساس جميل 💞 ودخلت اوضه نومها ونيمت جمبها عبدالله وخدت منه فى حضنها وكانت فرحانه اوى وفون شوق رن وقالت ده أحمد جوزى ورددت عليه شوق :

حبيبى احمد : شوق وحشتينى اول مره احس بفرحتك دى سبحان الله صوتك بيضحك خير يا حبيبتى شوق : منه وعبدالله معايا ونايمين جمبى وانا مبسوطه اوى اوى احمد :

ربنا يبسطك يا حبيبتى وان شاء الله ربنا هيعوضنا ببنت شبهك وقمر زيك شوق : انا مبخلفش وبظلمك معايا وكذا مره قولتلك طلقنى واتجوز وخلف دى ابسط حقوقك احمد فتح

فيديو كول ع شوق شوق فتحت الكاميرا وقالت وحشتنى نفسى المسك انت سر سعادتي فى الدنيا دى كفايه انك مستحملنى احمد : انتى روحى فى حد يسيب روحه 💞 اما

الخلفه دى بتاعه ربنا وانا مش هطلقك وولاد اخويا هما ولادنا برضه شوق قالت فى سرها ولاد اخوك هيكونوا ولادنا بجد من غير العقربه اميره احمد : انا فرحان بيكى

اوى يا حبيبتى انك فرحانه ربنا يخليكى ليه شوق : حبيبى ربنا يخليك ليه واحمد قفل مع شوق وشوق نامت فى سابع نومه واول مره تنام مرتاحه البال بس قامت

ع نفس الحلم وقامت مفزوعه ع خبط اميره ع بابها… وقامت فتحت اميره دخلت شقه شوق زى المجنونه وقالت فين ولادى وقالت عبدالله بت يا منه شوق : نايمين متخافيش

يا أميره فى ايه يا حبيبتى اميره : حبيبتك بقولك عاوزه ولادى شوق قالت فى سرها لازم تغورى علشان ارتاح وقالت مش هينفع اسلوبى ده معاها دى عاوزه طريقه تبلفها

وقالت ومسكت اميره من ايدها وخدتها اوضه النوم وقالت لها تعالى منه وعبدالله عالسرير اهم اطمنتى يا ستى اققعدى واتغطى يلا انا هدخل اعمل فطار ليه وليكى اميره : ماشى

وشوق دخلت المطبخ وعملت فطار سندوتشات وشاى وحطت حبوب الهلوسه فالشاى وابتدت مع نفسها تزود الجرعه وقلبت الشاى كويس ودخلت ع اميره الاوضه وفطروا مع بعض واميره شربت الشاى وخدت

ولادها ونزلت وحاله اميره سأت اكتر من الاول وابتدت تهلوس بكلام محصلش وكمان وقفت فالبلكونه تعاكس الجيران وبقت تصرفتها مش مفهومه وحماتها وأشرف مستغربين لحال اميره اللى اتغير ومع مرور

الوقت عبدالله ومنه خدوا ع شوق وبيناموا معاها وعدى شهر ونص وشوق بتحط حبوب الهلوسه لأميره واميره حالتها سأت بزياده وبقت تكلم شباب وعيال فالشارع وتخبط فالكلام فى كل حته

وتهلوس والحاله سأت وجه اليوم الموعود اللى حماتها قالت لأشرف اميره لا تؤتمن ع ولادك خليهم مع شوق بصراحه شوق شايله عبدالله ومنه شوق قالت فى سرها اخيراااا عقبالك لما

تغورى ولا ربنا ياخدك ونرتاح وشوق مسكت فونها واتصلت بفاطمه علشان تكلمها وفعلا كلمتها وقالت لها خلاص منه وعبدالله فى حضنى بس ناقص اميره تغور من البيت فاطمه : هقولك

تعملى ايه وفاطمه قالت لشوق هتتصرف ازاى علشان اميره تخرج من البيت وشوق مكدبتش خبر وقالت لأميره تعالى اققعدى فالبلكونه وادتها عصير وحاله اميره كانت وحشه اوى شوق خرجت تجرى

ع اشرف وقالت شوق : اشرف اشرف الحق احنا خلاص اتفضحنا فالمنطقه اشرف : فى ايه ؟ شوق : تعالى شوف الحماه : فى ايه ودخلوا كلهم البلكونه لاقوا اميره

واقفه بقميص النوم والشارع كله بيتفرج عليها وعلى جسمها وأشرف مش حاسس انها مش فى واعيها اتعامل كاراجل بيغير ع رجولته الحماه : خودها غورها ع بيت امها اشرف :

انا هطلقها وارتاح من قرفها الحماه : يلا فى ستين داهيه انا هكلم اختى انا زهقت من عمايلها اشرف خد اميره وراح بيها ع بيت امها وقالهم دى ست أخلاقها

مش كويسه وكمان اتجننت واتفضحنا فالمنطقه ورمى عليها يمين طلاق وساب اميره ومشى محسن : اشرف اشرف تعالى بس اشرف : اختك عندك ولا تصلح ام لاولادى وانا طلقتها وأشرف

مشى ع بيته شوق : عملت ايه وقالت بخباثه اوعى تكون طلقتها اشرف : طلقتها ب التلاته دى مش هتنفعنى يلا فى ستين داهيه شوق قالت فى سرها الحمد لله

خلصت منك ع خير شوق : بقولك انا هاخد منه وعبدالله وهطلع انام وكمان احمد هيكلمنى اشرف : سلميلى عليه فون شوق رن راحت شوق قالت دى فاطمه خير فاطمه

: الو يا شوق شوق : مالك فاطمه : البيه سى فايز صاحب الصيدليه ضربنى وانا فالشارع ومش عارفه اروح فين شوق : طيب تعالى وان شاء الله تتحل تعالى

اققعدى معايا ما خلاص بقى حماتى بقت زى العجينه فى ايدى وأشرف ده علشان عياله بقى تحت رجلى مبيقولش تلت التلاته كام فاطمه : ربنا يباركلك انا جايه وفعلا فاطمه

راحت ع بيت شوق وشوق قابلتها وفاطمه حكت لها اللى حصل بينها وبين فايز لأن المشكله بينهم بقت كبيره جدا شوق قامت حضرت أكل وأكلت هى وفاطمه ونيمت منه وعبدالله

وفاطمه نامت جمب شوق وشوق راحت فالنوووووم وحلمت نفس الحلم بس المره دى قامت من النوووم وقالت فاطمه…. وقامت من النوم مفزوعه وقالت فاطمه فاطمه وبصت جمبها عالسرير بس ملقتش

فاطمه وقالت هى اكيد فالحمام لما اقوم اشوفها دى كانت تعبانه ومضايقه من اخوها وقامت من عالسرير وخرجت وملقتش فاطمه فالشقه وقالت هى راحت فين معقووول تكون مشيت؟ انا قلقانه

اوى! ؟ وخصوصا بعد الكابوس المنيل ده انا لازم اكلم ست الشيخه ضرورى وقالت بس الوقت متأخر دى الساعه عدت بعد الفجر إن شاء الله ع الساعه ١١ الصبح هكلمها

وقالت اومال فاطمه راحت فين ومسكت فونها ورنت على فاطمه وسمعت رنت تليفون فاطمه فى اوضتها وقالت معنى كده انها موجوده هنا اومال راحت فين وشوق فتحت باب الشقه وقالت

يمكن نزلت تحت ولما فتحت الباب لاقيته مردود وقالت ايه ده؟ وفتحت الباب وسمعت فاطمه بتقول وهى متغاظه انت هتتجوزنى امتى يا سى اشرف ما مراتك مشيت والخطه مشيت زى

الفل وأطلقت شوق : يا نهار اسووووود….. ج. 9…#انا_يا_سلفتى وشوق سمعت فاطمه بتقول هتتجوزنى امتى يا سى اشرف ما خلاص مراتك اطلقت وخلصت والخطه مشيت زى الفل شوق : يا

نهارررر اسوود فاطمه وأشرف اشرف: شويه كده وهنتجوز وانا على وعدى ليكى ده انتى حب عمرى يا بت فاطمه : بجد حب عمرك ما كله من امك هى اللى بتكرهنى

اشرف : يلا اطلعى بقى قبل ما شوق تحس بيكى فاطمه : شوق هتتهبل عاالعيال ونايمه فى حضنهم اشرف : بحبك يا حته منى فاطمه : وانا كمان انا طالعه

سلام يا حبيبى ❤️ شوق : يانهار اسود يا نهار اسود انا هدخل انام علشان متعرفش انى سمعتها وشوق دخلت اوضتها وعملت نفسها نايمه وفاطمه طلعت ودخلت الاوضه ع شوق

وقالت انام انا بقى علشان متاخدش بالها من حاجه شوق : ايه يا فاطمه مالك فى حاجه فاطمه : كنت عطشانه وقلقت وروحت الحمام ههه قصدى المطبخ وشربت مياه شوق

: طيب وشوق عملت نفسها نايمه واتأكدت ان فاطمه نامت وخرجت بره الاوضه وفضلت قاعده وقامت دخلت المطبخ وعملت قهوه وفضلت تشربها وتفكر هتعمل ايه بعد ما عرفت ان فاطمه

عملت الخطه علشان مصلحتها وكمان اشرف معاها وهى متعرفش وقالت يعنى اكيد فاطمه قالت لأشرف انى كنت هطلق واتجوزوا وقالت مش عارفه اعمل ايه 😒🤔والصبح طلع ع شوق وهى بتفكر

فى فاطمه ومصيبه اشرف وقالت يااااه الساعه بقت 11 ومسكت الفون ودخلت المطبخ وقالت لما اكلم ست الشيخه واخد منها ميعاد علشان فاطمه متسمعش وفعلا اتصلت بالشيخه وقالت لها أن

الحلم فى حاجه اختلفت زى ما قالت لها وعاوزه التفسير والشيخه صافيه قالت لشوق تيجى فى اى وقت وشوق قالت لها ساعه وهتكون عندها وفعلا شوق قامت لبست وصحت فاطمه

وقالت لها تاخد بالها من منه وعبدالله فاطمه : رايحه فين يا شوشو شوق : رايحه عند ماما أصلها طالبه منى حاجات

شاهد أيضاً: كنت في العمرة مع زوجتي

وفلوس وانا هروح لها ضرورى فاطمه : فلوس ايه شوق : كنت واخده منها فلوس للجمعيه لحد ما احمد يبعت واحمد بعت وراحه علشان تاخدهم كتر خيرها وانتى عارفه امى

p2

ع قدها ست كبيره بقى فاطمه قالت فى سرها امك ع قدها طيب ازاى دى عندها بيت يرمح فى الخيل شوق : فاطمه فى حاجه فاطمه : لا ي بنت

قلبى بقول ربنا يبارك فى عمر امك يارب شوق : انا ماشيه واعملى الرضعه لعبدالله واتعودى بقى 😂 ده ابن الغالى فاطمه : اتعود ع ايه ومين الغالى ده يا

بت شوق : اشرف ايوه غالى مش ابو ولادى 😉😂 فاطمه : ولادك.؟! ولادك مين؟ شوق : انتى نسيتى منه وعبدالله شوق : انا ماشيه العيال امانه فى رقبتك فاطمه

: طيب وقالت هى شوق مالها عموما وانا مالى المهم هتجوز اشرف شوق راحت عند الشيخه ودخلت عليها وقالت السلام عليكم الشيخه صافيه : عليكم السلام تعالى يا شوق شوق

: الحقينى يا ست الشيخه الحلم اتغير وفى حاجه غلط وياريت تفسريه وتساعدينى الشيخه : قولى بالظبط شوق : انى لابسه عروسه وقاعده لوحدى عالكوشه وكل المعازيم بترقص عالساكت مفيش

صوت بس المره دى لقيت فى ايدى تليفون وببص فى لاقيته فيه مرايا بس ملقتش نفسى انا العروسه لاقيت فاطمه صاحبتى وبتقول انا عروسه من غير عريس والتليفون انفجر فى

ايدى بس مكنتش انا كانت فاطمه الشيخه : صاحبتك دى اللى كانت معاكى شوق : اه هى الشيخه : انا لما شوفتها مستريحتلهاش بصى يا شوق فاطمه مش هتتجوز لحد

ما تمـoت وربنا يديها ع قد نيتها دى نار 🔥 قايده شوق : نار قايده هى فعلا نار قايده وشوق سمعت تفسير الحلم وقامت وقالت فى سرها اققول للشيخه على

اللى عملته انا وفاطمه ولا بلاش مش عارفه اعمل ايه 😒 وشوق روحت البيت وطلعت على شقتها والتفكير شاغل بالها وفتحت باب شقتها وكان بقصصاشرف قاعد مع فاطمه وشايل عبدالله

ع ايده وشوق دخلت وبتتسحب وقالت لما أقف اسمعهم بيقولوا ايه؟ وسمعت اشرف بيقول لفاطمه كله من امى بتحب احمد اكتر منى عارفه لو كان خلف كانت كتبت لعياله كل

حاجه حتى هدومنا 😂 طول عمرها بتحبه وبتميزه عنى فاطمه : اه علشان كده من وقت ما اتجوز وانت بتحط لشوق حبوب منع الحمل علشان متخلفش…. ج. 10..#انا_يا_سلفتى علشان كده

كنت بتحط حبوب منع الحمل لشوق وشوق سمعت وقالت يا نهار اسود يا ولاد الكلب اشرف : وطبعا البركه فيكى لولا صيدليه فايز اخوكى مكنتش هعرف اعمل حاجه😂 فاطمه :

واوعى تنسى مجهودى ما انا اللى خليت اميره تغير من شوق اشرف : يااااه كنت اققعد اققولها عالجمال شوق وحلاوتها وطبعا اميره الحماره صدقت وكانت بس بتستعمل أساليب تانيه انها

ست علشان خلفت وشوق جمالها عالفاضى حقوده بعيد عنك 😂 فاطمه : انا قادره من يومى ما هو كان لازم اميره تسم بدن شوق وتعايرها أشرف: عارفه انا ياما تعبت

وكله من أمى كانت بتعامل احمد كأنه ملاك ماشى عالأرض ده غير لما حبيت اتجوز البنت اللى كنت طول عمرى بحبها موفقتش عليها وطلبت منى اتجوز أميره بنت خالتى بوز

النحس اللى شكلها يسد النفس وكتير قولتلها انا مش بحبها يا أمى ومش عجبانى وبرضه خلتنى اتجوزها إنما احمد اول ما قال اتجوز شوق فرحت ووافقت عالطول طلباته مجابه فاطمه

: هى مين حب عمرك دى وانا ابقى ايه ان شاء الله 🤔 اشرف : انا بقول ايه وانتى بتقولى ايه يا شيخه انا قايم هو انا معرفش افضفض بكلمتين

جوايا فاطمه : خلاص خلصنا اهى مراتك اتجننت وشوق فاكره نفسها مبتخلفش ومخلفتش خلاص بقى اشرف : انا هقوم قبل ما تيجى شوق شوق : يا ولاد الكلب بقى انتى

يا عشره عمرى تعملى فيه كده فعلا اتقى شرا من أحسنت اليه بس وحيات وجعى وكل دمعه نزلت منى وكنت بتقطع وانا محرومه من الأمومه هتعرفوا مين هى شوق اشرف

: انا قايم بقى شوق : السلام عليكم متجمعين عند النبى فاطمه : شوق شوق : ازيك يا اشرف خليك انا هدخل اعمل غدا ونتغدى مع بعض هات عبدالله ده

الولد نايم اشرف : شكرا يا مرات الغالى شوق : فاطمه مش انا قولتلك تخلى بالك من العيال ومن ابو العيال فاطمه قالت فى سرها هى شوق مالها فاطمه :

مالك ي شوشو شكلك كده مضايقه اشرف : اسيبكم انا شوق قالت فى سرها ما البلاوى كلها منك انت وهى يا شياطين عالأرض شوق : خليك بس يا غالى انا

انا هعملك المكرونه البشاميل اللى بتحبها اشرف : ها ها اه طيب لما تخلصى الأكل ابقى ادينى صوت شوق : هرن عليك فاطمه : يلا انزل انت يا اشرف ولما

شوق تخلص أكل هكلمك وأشرف نزل ع شقته شوق : بت يا فاطمه انا حاسه بحاجه كده تكونش اللى فى بالى فاطمه : حاجه ايه شوق : مش اشرف ده

مكانش بيطيق وشك ده كان عالطول يحظرنى منك علشان اخوكى وسمعته البطاله فاطمه : هو كان بيقولك كده وانتى مكنتيش بتقولى ليه شوق : كنت بتحرج فاطمه : وليه بتقولى

دلوقت شوق : علشانك خايفه عليكى لا تتجرحى وتتصدمى اصل شايفه عنيكى فيها لامعه وانتى صاحبه عمرى وانا واثقه انه عمره ما هيبصلك فاطمه : اوف بقى خلاص ي شوق

كل اللى حصل هو طلع يشوف عياله بس لا فى حب ولا غيره شوق : وانا قولت غير كده انا هدخل احضر الغدا فاطمه : ربنا يحرق دمك يا شيخه

شوق دخلت المطبخ وقالت انا هوريكم يا ملاعين يا شياطين ماشيه عالأرض بس انا برضه غلطت والشيطان ركبنى شوق خرجت من المطبخ وقالت بصوت عالى فاطمه فاطمه فاطمه : مالك

ي شوق شوق : بقولك فى حاجات ناقصه وانا نسيت اشتريها ممكن تنزلى تشتريها انتى علشان انا مش قادره راجعه تعبانه فاطمه : حاضر شوق : استنى خودى فلوس فاطمه

: انا معايا انتى اختى ي بت شوق قالت فى سرها انا هوريكى وفاطمه نزلت تشترى الحاجه وشوق قفلت الشقه ع نفسها وقالت لازم يا فاطمه تشربى من نفس الكأس

وقالت لازم اخلص منكم وعلشان اخلص لازم الغيره تتدب فى قلبك بس الاول لازم اعمل حاجه لا مش حاجه واحده دول حاجتين وخدت منه وعبدالله ونزلت بيهم ع شقه حماتها

وكان اشرف موجود وطلبت يخلى الولاد معاه لحد ما فاطمه ترجع وقالت إنها نازله ونسيت تقول لفاطمه ع طلبات تانى وهى نازله قابلت فاطمه عالسلم فاطمه : ايه يا بنتى

رايحه فين انا اشتريت كل حاجه شوق : دقيق دقيق انا نسيت ومش عندى دقيق فاطمه : خلاص خليكى شوق : انتى تعبتى انا هنزل والولاد مع أشرف فى شقه

حماتى سلام مش هتأخر فاطمه : امتى بقى اطلع لحماتى بنفسى وتكون حماتى بس انا خاف اطلع دلوقت دى مش بطقنى انا هطلع الشقه وهرن على حبيبى اشرف وشوق نزلت

جرى فالشارع وخلاص حسبت حسبتها وعرفت هتعمل ايه وفضلت ماشيه بخطوات سريعه وبتجرى لحد ما وصلت وطلعت السلالم جرى وخبطت عالباب واول ما اتفتح قالت اميره فين يا محسن….. ج.

11…#انا_يا_سلفتى وراحت شوق ع بيت اميره وقابلت اخوها محسن وطلبت تشوف اميره ومحسن قابل شوق وهو مش عارف انها السبب وقال لشوق انها مش غريبه وخليها تتدخل عليها اوضتها بس

شوق اول لما دخلت وشافت اميره بقت تعيط وانهارت ع شكلها ومش دى اميره اللى تعرفها بس اميره بصت لشوق وقالت انتى جايه تشمتى فيه يا شوق انا مش مجنونه

يا شوق وهاخد ولادى منك ومنه ما هو طول عمره بيقول عليكى احلى منى شوق شوق ايه ده شوق : مالك يا أميره اميره : انا جسمى متلج وحاسه انى

فى رعشه داخله فى جسمى بصى يا شوق جسمى مليان كله صراصير وكبيره كمان انا عارفه انهم شكلهم يقرف وعارفه ان منه بنتى خافت منهم هههههههههههه والعبيط اشرف وشه كان

كله حشرات وعقارب وكان شكله مسخره 😂 شوق : تعالى يا أميره اميره : مش خايفه منى يا شوق ولا من الصراصير، دى شوق : لأ ي حبيبتى بصى يا

أميره قومى غيرى هدومك علشان الصراصير دى اميره : حاضر طيب وولادى يا شوق وحشونى اوى شوق : متخافيش هيكونوا فى حضنك قريب اوى اميره : عبدالله كويس ووشه بقى

حلو شوق : منه وعبدالله زى الفل شوق قامت فتحت الدولاب وجابت هدوم لأميره وقامت قلعتها الهدوم اللى اميره شايفاها كلها صراصير وقامت اخدتها الحمام شطفتها ولبستها هدوم تانيه وقالت

لأميره اهو مفيش صراصير وخدت الهدوم ورمتها قصاد اميره شوق : انا همشى يا أميره بس هرجعلك تانى شوق خرجت من اوضه اميره وقالت لمحسن انا عاوزاك محسن : اولآ

شكرا يا شوق ع زيارتك لأميره مع انها كانت بتعاملك اوحش معامله بجد اسف وبالنيابه عنها بتأسف لك اما حماتها اللى هى خالتى وابن خالتى رموها زى الكلبه شوق :

هو فى حد غيركم هنا محسن : لا امى بتصلى فالجامع وكلهم مش هنا كل واحد مشغول بحاله وانا قاعد مع اميره شوق : اميره لازم تروح لدكتور محسن :

ان شاء الله شوق : انا عاوزاك يا محسن فى حاجه محسن : اؤمرى شوق : هقولك………………..؟؟!! وشوق اتفقت مع محسن وقالت انا ماشيه بس ياريت متنساش طلبى وانا هكلمك

فون ومحسن قال لها هستنا منك اشاره شوق : هكلمك وشوق فى طريقها للبيت وهى فال طريق تليفونها رن وشوق قالت دى الشيخه صافيه ورددت عليها بس الشيخه كانت بتتكلم

مع شوق وعاوزها فى حاجه مهمه وفعلا شوق مكدبتش خبر وراحت ع بيت الشيخه فاطمه : انا هفضل واقفه ع أم السلم ده وبتصل بأشرف مبيردش ده ايه ده اشرف

: فاطمه فى ايه زن زن زن فاطمه : انا بتصل بيك اكتر من نص ساعه وواقفه عالباب الشقه وانت بتكنسل ايه هو انا شفاف ولا ايه ااااه لو كانت

ست شوق كنت رديت عالطول اشرف : انا شامم فى كلامك ريحه أميره 😂فعلا الستات كلهم زى بعض فاطمه : افتح بس الباب… ولا انت مش معاك المفتاح ولا ايه

اشرف : معايا معايا وأشرف فتح الباب ودخل وفاطمه دخلت وقالت فين عيالك اشرف : هيكونوا فين يا ذكيه اكيد مع أمى فاطمه : مش بطقنى معرفش ليه اشرف :

امى بكره تتعود عليكى اشرف : هى فين شوق الشقه فاضيه من غيرها 💔 فاطمه : هو انت فى ايه بالظبط شوق شوق شوق هو مفيش غيرها شكلك كنت مظبط

معاها ولا ايه اشرف : ههههههه مظبط ونعم الأخلاق فاطمه راحت حضنت اشرف وقالت انا بحبك اوى امتى بقى يجمعنا بيت واحد يا حبيبى 😍 اشرف: هى فين شوق فاطمه

: اوف بتشترى دقيق هى قالت كده اشرف : وحشتينى ي طمطم فاطمه : بجد اشرف : تعالى وحشانى والله فاطمه : مش هينفع هنا تعالى فى شقتك علشان لو

شوق جت اشرف : هنزل اسبقك على الشقه فاطمه : ماشى وأشرف نزل ع شقته وفاطمه نزلت وراه زى اى واحده رخيصه تبيع نفسها لراجل خاين مالوش امان…… وشوق راحت

للشيخه لأنها كانت عاوزها ضرورى.؟ وشوق رجعت من عند الشيخه وقالت لازم يا فاطمه تدوقى من نفس الكاس انتى والكلب الخاين اشرف وحيات حرمانى من كلمه ماما لأحرمكم انتم الاتنين

من كل حاجه….. فاطمه : اشرف يا حبيبى تصدق شقتك حلوه اشرف : اه حلوه المهم انها عجبتك بقولك ادخلى اوضه النوم وافتحى الدولاب واللبسى اى قميص يكون حلو كده

من بتوع اميره فاطمه : ماشى مع ان ده فال وحش اللبس قميص ضرتى 😁 اشرف : هى مش ضرتك دى طليقتى المهلوسه فاطمه دخلت اوضه النوم وفتحت الدولاب وفضلت

تنكش وتدور على قميص حلو تلبسه وهى بتدور شافت حاجه متتخيلهاش وقالت ايه ده ده قميص شوق معقول…. ج. 12…#انا_يا_سلفتى ده قميص شوق يا نهار اسود ومنيل ع دماغك يا

اشرف انا هخرب بيتك وبيتها وفاطمه قالت فى سرها بس مش هينفع اتكلم دلوقت اشرف : فاطمه فاطمه فاطمه : فى ايه مالك بتزعق كده ليه اشرف : شوق رجعت

انا خايف لا تشك فى حاجه يلا اطلعى اطلعى وبعدين هكلمك فاطمه : ايه هو فى ايه مالك مرعوب ليه كده اشرف : دى شوق لو شمت خبر انى ليه

علاقه بيكى هتبقى مصيبه يلا اطلعى وبعدين نتكلم فاطمه : خلاص طالعه وكلمنى ها اشرف : حاضر وفاطمه طلعت والغيره واكله قلبها ومتأكده ان شوق على علاقه بأشرف من القميص

اللى فى دولاب اميره فاطمه : اشتريتى الدقيق يا شوق انا فاكره انك كنتى عازمه اشرف عالغدا دى الساعه بقت 8 بالليل الا قوليلى كنتى فين كل ده شوق قعدت

عالكرسى الانتريه وقالت كنت عند ماما فاطمه قالت فى سرها امممم شالله يا ماما شوق : فين منه وعبدالله فاطمه : عند حماتك شوق : امممم اصل معددتش عليها وبعدين

انتى كنتى فين يا بت فاطمه : كنت كنت كنت شوق : انتى علقتى يا بت 😂 فاطمه : كنت تحت ما انا نزلت اشوفك وادور عليكى شوق : هو

انا كنت تايهه ومعرفش فاطمه : المهم انا جعانه شوق : هقوم اعمل سندوتشات وشاى وانتى انزلى هاتى منه وعبدالله فاطمه : حاضر شوق : فاطمه وانا راجعه اخوكى فايز

سألنى عليكى وقولتلوا معرفش فاطمه : تتكلمى معاه فى ايه شوق : اخرجى هاتى الشاى والسندوتشات من على السفره فاطمه : انا بسألك يا شوق عاوزه ايه من اشرف شوق

: يا حبيبتى عاوزاه فى حاجه ضرورى وانا هنزل اتكلم معاه لما اطلع هحكيلك وفاطمه خرجت الصاله وشالت صنيه السندوتشات والشاى ودخلت اوضه النوم وقعدت عالسرير وفتحت التليفزيون والنار بتغلى

جواها من الغيره شوق : انا جيت اهو ي ستى متأخرتش عليكى وشوق قعدت عالسرير وراحت أديت بوسه لعبدالله وقالت ياااه انت شبهه اشرف اوى فاطمه قالت فى سرها اه

ي شوق لو طلع اللى فى بالى صح شوق : عاوزه اقولك ع حاجه كنت مخبياها عليكى يا فاطمه وجه الوقت علشان اقولك انتى اختى وحبيبتى فاطمه : قولى قولى

شوق: انا بحب اشرف وكفايه انه خلانى أم ومعايا اهو عبدالله ومنه ولاده فاطمه : فوقى يا بنتى دول مش ولادك فاطمه : ما هو علشان كده انا مبخلفش وخلاص

منه وعبدالله بقوا حته منى فاطمه قالت فى سرها ينهار اسود فاطمه : وأشرف نظامه ايه شوق : بيموت عليه لما بس يشوفنى ولما لمسنى كان هيتجنن فاطمه : هو

لمسك كمان شوق : لمس ايه بس دى غلطه لسان فاطمه قالت فى سرها يبقى اللى شوفته صح اشرف على علاقه بشوق وانا حماره وبيلعب بيه شوق : خودى سندوتش

واشربى الشاى انا عن نفسى هقوم اخد شاور وبعدين انا مش جعانه وشوق دخلت الحمام تاخد شاور وفاطمه الغيره واكله قلبها عالأخر وفضلت تاكل بغيظ وتشرب الشاى ومحروق دمها ان

شوق ليها علاقه بأشرف وشوق دخلت الحمام واتصلت بمحسن اخو أميره وطلبت انه يكلم اشرف ويقولوا انه بيتصل بيها وهى مبتردش عليه ويطلع يكلمها ولو سأله ليه يقولوا ان شوق

كلمته قبل كده وهو بيطمن ع ولاد اخته وفعلا محسن اتصل بأشرف جوز اخته وسأله على شوق وقاله زى ما شوق فهمته وفعلا اشرف طلع وخبط وشوق خرجت من الحمام

ولابسه روب لأنها كانت لسه هتاخد شاور ولما فتحت الباب اتخضت وعملت مكسوفه واترمت فى حضن اشرف وقالت بصوت واطى حقك عليه معلش اتخضيت 😍و فاطمه خرجت لما سمعت خبطه

الباب وشافت شوق فى حضن اشرف وقالت كده عينى عينك يا فاجره انتى والكلب الخاين ماشى اشرف : محسن عاوزك ي شوق وبعدين ياريت ميسألش ع ولادى تانى شوق :

انا هفهمك.. اشرف : لما تخلصى كلمينى شوق : حاضر عن اذنك وقفلت الباب وشوق قالت فى سرها المهم ان فاطمه الغيره دبت فى قلبها وعرفت ان ليه علاقه بأشرف

فاطمه : انا مالى انا حاسه ان جسمى مكسر اوى ومفيش نوم فى عينى خالص ومحروق دمى اوى انا حاسه انى هرتكب جريمه ومسكت تليفونها واتصلت بأشرف وقالت إنها عاوزه

تشوفوا لما شوق تنام وتنزله الشقه بس اشرف قالها مش هينفع وهيخرج يقابلها بكره بس بره البيت علشان يتكلموا براحتهم وشوق خلصت الشاور ودخلت اوضه نومها وقالت ياااه انا عاوزه

انام وقالت لفاطمه مش هتنامى فاطمه : شويه كده وهنام نامى انتى بس شوق : تصبحى ع خير وشوق عامله نفسها نايمه وفاطمه صاحيه والغيره هتاكل قلبها ومع الوقت غمضت

عنيها وحاولت تنام بس شوق قامت وقالت بصوت مسموع لأنها عارفه ان فاطمه صاحيه ياااه اخيرا فاطمه نامت لما انزل لحبيبى اشرف وقامت من جمب فاطمه وطبعا فاطمه كانت لسه

صاحيه وسمعت شوق وعملت نفسها نايمه وشوق قامت تتسحب وفتحت الدولاب ولابست روب وقالت بصوت مسموع اشرف بيحب اللون ده وحطت برفان وسرحت شعرها وقالت فى سرها هوريكى يا فاطمه

انتى والكلب الخاين الفاجر ده وخرجت تتسحب ونزلت عالسلم بالراحه ومسكت مفتاح شقه اشرف وفتحت الباب ودخلت وقفلت وراها… وفاطمه شافت شوق دخلت شقه اشرف اتجننت وجريت ع المطبخ وفتحت

الدرج وجابت سكينه وقالت انا لازم اققتله واقتلها محدش هياخد اشرف منى ونزلت تجرى وجت تزق باب الشقه لاقيته مفتوح ودخلت زى المجنونه ع اوضه النوم…. ج. 14..#والاخير…#انا_يا_سلفتى وفاطمه دخلت

ع اوضه النوم وكان اشرف نايم عالسرير وبعزم قوتها ضربته بالسكينه لحد ما مـaـت وانهارت وفضلت تقول قتلته وتضحك بصوت عالى وشوق كانت فى شقه حماتها وخرجت ورجعت تانى وقالت

لحماتها وهى مفزوعه الحقى يا ماما باب الشقه بتاع اشرف مفتوح وخايفه لا يكون حرامى وحماتها خرجت مع شوق ودخلوا الشقه وفضلت شوق تدور زى المجنونه فالشقه وكانت طبعا بتمثل

انها خايفه وحماتها قالت لها تعالى اوضه النوم مفتوحه ودخلوا الاتنين جرى على اوضه النوم وشافوا فاطمه منهاره وتضحك ومش فى وعيها وبتقول قتلته وشوق قالت لها وبكل خباثه عملتى

ايه يا مجنونه وقربت منها بس فاطمه بصت لشوق اخر نظره وجريت فتحت البلكونه ورمت نفسها وشوق جريت وبصت من البلكونه وكانت فاطمه غرقانه فى دمها وحماتها فضلت تصوت على

أشرف وشوق اتصلت بمحسن وقالت على كل اللى حصل ان فاطمه قتلت اشرف ورمت نفسها….. ومحسن بلغ والتحقيق اخد مجراه واتقفلت التحقيقات وطبعا بعد معاينه الجثث وبأقوال شوق قالت ان

فاطمه كانت عندها علشان متخانقه مع اخوها ومكانتش تعرف ان فاطمه على علاقه بأشرف وقالت إن اشرف كان بيحذرها كتير من فاطمه لسوء سلوكها وكمان حماتها شاهده ع كلامها بس

شوق كانت بتحب فاطمه زى اختها وفتحت لها بيتها علشان ظروفها وكانت سايبه بيتها وفايز اخوها أكد كلام شوق ان هو كان طارد فاطمه من البيت علشان كانت على علاقه

بأشرف وهو متجوز ولما عرف طردها وبتشريح جثه فاطمه الطب الشرعى اثبت انها كانت بتتعاطى برشام ومخدارات علشان كده مكانتش فى وعيها واتقفلت القضيه والتحقيقات لان القاتله ماتت بعد وقوع

الجريمه وقتلها لأشرف……. شوق اتصلت بالشيخه صافيه واخدت منها ميعاد وراحت لها شوق : السلام عليكم الشيخه : عليكم السلام تعالى يا شوق شوق : انا مش عارفه اشكرك ازاى

انتى فعلا انقذتينى والشر راح خلاص الشيخه : مش انا اللى انقذتك ده عملك وبعدين انا متأكده انك مظلومه وبعدين هما اخدوا جزائهم شوق : يااااه كلامك كله فى ودانى

لما قولتيلى مش هيحرق قلبها غير انها تغير علي اشرف وفعلا انا خليتها تشك فيه وكمان كنت بحطلها البرشام والمخدرات فالشاى وبالذات يوم الحادثه زودت الجرعه علشان متنمش وهى شافتنى

قومت من النوم اتجننت وعملت زى ما انتى قولتيلى يا ست الشيخه خدت مفتاح شقه اشرف ما هو كان معايا انا عملت نسخه عليه من وراه ولما اتأكد أن فاطمه

عملت علاقه معاه دخلت وهو مش موجود وحطيت قميصى فى دولاب اميره واخدت السكينه بتاعتهم كمان وحطتها فى درج مطبخى وخيبت السكاكين بتاعتى كلها علشان متشوفش غير سكينه واحده فالدرج

وتاخدها واول ما نزلت الشقه وفتحت الباب هى شافتنى اتجننت وجريت ع المطبخ علشان تاخد السكينه وتنزل تقتلنى وتقتله انا استغليت اللحظه دى وجريت ع شقه حماتى علشان اديها العلاج

وطبعا فاطمه كانت فاكره ان انا فى حضن اشرف وسبت الباب مفتوح وأشرف كان نايم وهى دخلت وقتلته ومن كتر الهلوسه اللى هى فيها مأخدتش بالها انه نايم وانا مش

معاه ما خلاص هى اتجننت ورمت نفسها من البلكونه بس تستاهل وهو كمان دول شياطين عالأرض الشيخه : وقميصك اللى فالدولاب شوق : انا اخدته لما اشرف مكانش موجود كان

مع الهانم فى شقتى شوق: عارفه يا ست الشيخه ياما سلفتى عيرتنى بعدم الخلفه وانى ارض بور مبخلفش وكانت حماتى شيلاها ع راسها وانا علشان مش قربيتها او مبخلفش كانت

بتعاملنى انى مش ست وكمان سلفى طلع هو واعز اصحابى متفقين عليه وكمان اشرف السبب فى عدم خلفى من اخوه وطيب وانا مالى انت بتغير من اخوك انا ذنبى ايه

واما فاطمه منها لله كانت سبب فى كل حاجه وانا استغليت سمعتها وسمعه اخوها الزباله ودوقتهم من نفس الكاس واضرب الظالمين بالظالمين واخرجنا منهم سالمين… وشوق قربت من الشيخه ومسكت

ايدها وقالت وربنا جعلك ليه طوق نجاه الشيخه : مش معنى كده ان احنا صح بس كان لازم اساعدك علشان ايدك متتلوث بدمهم الانجاس الأوساخ وتغلطى يلا يا بنتى روحى

على بيتك وعيشى حياتك ورجعى سلفتك بيتها شوق : حاضر انا كلمت محسن وقال إن حالتها كويسها ولما عرفت ان جوزها كان بيخونها مع فاطمه فاقت لاولادها ورجعت شقتها والحمد

لله وشوق ودعت الشيخه وحلفت انها مش هتلجأ لأى حاجه غير ربنا وان معرفتش تاخد حقها غير بالطريقه دى وراحت شوق على شقتها وبعد مرور سنه ع وفاه اشرف وفاطمه

حماه شوق اتوفت واميره بقت هى وشوق أصحاب لان كان اشرف اللى بيوقع ما بينهم وده اللى اميره فهمته اميره : متزعليش يا شوق بكره ربنا يعوض عليكى انتى فعلا

طيبه انا عرفت ده لما فهمت اشرف ع حقيقته كتير كان بيقولى انك اجمل منى وانا زى العبيطه كنت بصدقه واغير منك بجد اسفه وبعد مرور سنه ونص الباب خبط

وشوق قامت تفتح… شوق : احمد معقووول حمدالله على سلامتك احمد : عجبتك المفاجأه شوق : طبعا يا حبيبى احمد : كل زعلى انى محضرتش جنازه اخويا الله يسامحه بقى

وامى 😭 ربنا يرحمها الشغل يا شوق فعلا غصب عنى كان على عينى.. شوق قالت فى سرها اومال لو عرفت اللى اخوك عملوا فينا 😭 شوق : حمدالله ع سلامتك

نورت بيتك يا حبيبى 😘😍 وبعد مرور شهرين شوق تعبت وخدت اميره وراحت للدكتور وهنا كانت المفاجأه انها حامل 🤰 وفرحت اوى واحمد فرح وشكرت ربنا ع عطيته ليها وان

ربك لا يظلم احد وشوق خلفت توأم ولد وبنت وكانت فرحتها هى واحمد بالدنيا وقالت إن لازم تربيهم على حبهم لبعض ومتفرقش ما بينهم ابدا وتمت القصه على خير 😍

فى كلمه احب اقولها مفيش واحده عاقله تعمل زى اميره وتسمع كلام جوزها وبرضه مفيش زوج محترم يقول لمراته ان سلفتها احسن منها وأفضل منها وكمان أجمل منها اكيد مش

بيحبك علشان لو بيحبك هيخاف ع زعلك وهيخاف يجرحك حتى ولو بكلمه ياريت كل زوج يخلى باله ع مراته حتى ولو بهزار فعلا الغيره بتكون موجوده وكمان الست بتفرح من

اققل كلمه لو مكانتش الكلمه الحلوه ليها معنى وسبب لفرحتك مكانش ربنا خلاها صدقه وكمان لازم اى ام وأب تعدل بين ولادها فالمعامله ومتفرقش ما بينهم ده بيولد ما بينهم

الغيره والحقد وللأسف الكراهيه خلوا بالكم من معاملتكم لاوولادكم خلوها واحده علشان يحبوا بعض ودايما ازرعوا الخير 🌷 ما بينهم علشان هتحصدوا خير وتشوفيهم افضل الناس ربنا يسعدكم ويفرح قلوبكم

وياريت تدعوا ربنا دايما ينور بصيرتكم وان شاء الله تخرجوا من رمضان مجبورين الخاطر كلنا ان شاء الله 😍 النهايه