_مش دا كان اختيارك يبقى لازم تستحملي.

_مش دا كان اختيارك يبقى لازم تستحملي. _يا ماما حـrام عليكِ مفيش ولا مرة جيت وحكيتلك ونصفتيني فيها. _ولا هنصفك مش دا إلي جيتي قولتيلي هو دا يا ماما إلي

هتجوزه وبحبه وهو دا إلي اختارته يبقى متجيش تتكلمي. _كل الأمهات بتسمع ولادها مفيش أم بتعمل زي ما بتعملي كدا. _منا بسمعك يا حبيبتي وهقولك كمان إنه غلطان بس مش

هقولك تعالي اقعدي جنبي أنا جوزتك مرة واحدة ومش هجوزك تاني. وكالعادة روحت اشتكي لأمي منه منصفتنيش ومفيش ولا مرة نصفتني أصلًا دايمًا تقولي أنتِ محقوقة وإنه كان اختياري من

الأول وإنه كان حبي الوحيد. مخبيش عليكم هو فعلًا حبي الوحيد ولحد دلوقتي لسة بحبه وبشتكي منه من حبي فيه نفسي يعاملني زي أول ما حبينا بعض، يهتم بيا وبتفاصيلي،

يحسسني فعلًا إني حبيبته إلي شقى كتير لحد ما تجوزني روحت شقتي بعد منهادة مع أمي لقيته قاعد قدام التليفزيون، دخلت قدامه فبصلي واتكلم: _ جاية بدري يعني ولا أمك

زعقتلك ومشتك. _لا مزعقتليش ولا مشتني يا يونس ولو أنا عايزة اروح غضبانة هروح واقعد وامي مش هتمشيني. _اه منا عارف. اتضايقت جدًا من كلامه وفعلًا هو بيقول الحقيقة أنا

لما روحت لماما علشان اغضب رجعتني من على الباب وقالتلي: _روحي على بيتك معنديش بنات بتغضب كل البيوت فيها مشاكل احمدي ربنا. وفي يوم من الأيام بعد ما بدأت اتعايش

إنه خلاص زهق مني بعد حب تلات سنين بقا كل حاجة زهق وعصبية ومبقاش عاجبه حاجة بعملها نهائي لحد ما في يوم حكيت لحماتي هي ست طيبة وبتحبني جدًا وعالطول

بتقف معايا في كل حاجة قالتلي: _بهدليه يا بنتي خليه يلف حوالين نفسه. _إزاي يا ماما. _يعني حسسيه إنه مش موجود في حياتك، موجود زيه زي مش موجود ملوش لازمة

لما يحس إنك خلاص مبقاش فارق معاكِ هيرجع عن إلي بيعمله، يونس ابني وأنا عارفاه كويس بيحبك بس خلاص ضمن حبك وضمن إنك عالطول بترضيه آن الآوان بقا هو إلي

يراضيكِ. يتبع……. الجزء الثاني من هنا بدأت اعمل زي ما حماتي قالتلي بالظبط مبقتش اديله وش ولو طلب مني حاجة بعملها بس مبتكلمش معاه الإ قليل، بقا كل حياتنا صمت

في صمت مفيش غير حبيبة بنتي إلي مهونة عليا حياتي. في يوم جه من الشغل دخل لقاني بحط الهدوم في الغسالة فاتكلم: _فين الغدا؟. _اي دا غدا ! تصدق نسيت

إنك جاي دلوقتي متقلقش هخلص غسيل وانشر واجهز الغدا. _غسيل اي إلي تخلصيه يا مريم أنتِ لسة في أول حَطة يعني قدامك لسة ساعة ساعتين وأنا جعان. ضحكت على غيظه

مني وعصبيته وبدأت اتبارد أكتر وأكتر: _معلش بقا يا يونس يا حبيبي غصب عني اعمل اي بس اديك شايف كوم الغسيل إلي عليا، لو جعان أوي تعالى اعمل لنفسك. ضرب

الحيطة قدامي بإيده بعصبية جامدة واتكلم بغيظ: _ماشي يا مريم مبقاش فيه اهتمام لا بالبيت ولا بيا أنا هوريكي. اخد بعضه ومشي وأنا فضلت مبسوطة طول اليوم على الموقف دا

وإني شربته من الكاس إلي كان بيشربني منه. من كتر رفض أمي إني اخد موقف على حاجة خلاص عرفت إن دا أمر واقع وأنا اتحطيت فيه ولازم اتعايش معاه لأن

ببساطة أنا إلي اخترت اعيش فيه محدش ضربني على ايدي فبدأت اقتنع وامشي ورا كلام حماتي علشان احل الموضوع بيني وبين جوزي. وفي يوم اتعصب عليا جامد من اهمالي وعدم

اهتمامي بيه وأنا مستحملتش النكد والعصبية دي