شاهد أيضاً: المليادير عدنان محمد خاشقجي
طول اليوم اخدت بعضي وبنتي ومشيت وأنا نازلة على السلم لقيت حماتي وسألتني في اي قولتلها قالتلي تعالي عندي مفيش مشيان. فضلت قاعدة عندها كذا يوم وهو ميعرفش بحكم إنه
أصلًا مكنش بينزل يقعد معاها كتير ودايمًا مش في البيت، وفي يوم جه عندها دخلت الأوضة بسرعة وحمدت ربنا إن حبيبة نايمة وسمعتهم وهما بيتكلمو _مالك يابني في اي وشك
ماله. _مش عارف مريم راحت فين أنا روحت سألت عليها عند والدتها قالتلي مجتش وملهاش حد تاني اسأل عنده. _طب وأنت زعلتها ليه يا يونس لما أنت جاي تدور عليها
دلوقتي. _غلطت معرفتش قيمتها غير لما مشيت بعيد عني، أنا ولا حاجة من غير مريم يا ماما، والله عارف إني اهملتها وحسستها إني زهقت منها بس دا كان غصب عني
معرفش دا كان اي زي فترة فتور كدا، تعرفي يا ماما هي كانت بتروح تشتكيني لمامتها بس مامتها مبتدهاش وش لحد ما تمشي من عندها بس كانت بتكلمني وتعرفني إني
غلطان وإني غلطت في حقها وأنا كنت غـbي كنت بقولها حاضر واسكت ومصلحتش حاجة لحد ما فات الآوان . يتبع الجزء الاخير من هنا _طب اهدى يا حبيبي إن شآء
الله تلاقيها مراتك عاقلة وهترجع. _يارب يا ماما ويارب تسامحني. عدى اليوم وهو قام طلع وأنا كنت مبسوطة أوي إني لسة فارقة معاه وإنه بيحبني زي ما أنا بحبه أنا
كنت عايزة اقوم اطلعله من فرحتي، دخلت عليا حماتي وهي فرحانة وبتضحك وبتقول: _شوفتي جالك كلامي. _شوفت يا طنط أنا فرحانة أوي. _وأنا فرحانة أكتر منك يا حبيبتي ربنا يهدي
سركم يارب المهم بكرة بقا هتصل عليه وهو في الشغل واقوله إنك جيتي اتفقنا. وفعلًا كلمته تاني وقالتله إني جيت وإني عندها لحد ما هو يجي، ساب الشغل وجه بعد
نص ساعة، دخل من الباب لقاني قاعدة وحبيبة جنبي لقيته بان على وشه الفرحة وكأنه طفل بيدور على أمه وبعدها اخدني من ايدي لحد ما طلعنا شقتنا وبعدها اخدني في
حضنه. اتكلم بهدوء وأنا في حضنه: _حقك عليا، أنا أسف يا قلبي على كل حاجة عملتها وحشة في حقك أو إني حسستك في يوم إنك مش فارقة معايا. رفعت وشي
وابتسمتله وبعدها اتكلمت: _يونس يعني أنت بجد مزهقتش مني. _إلي بيحب حد مبيزهقش منه يا قلب يونس. فرحت جدًا وكأني هطير من الفرحة بعد كلامه وبعدها سألني: _قوليلي بقا كنتِ
فين أنا روحتلك عند مامتك ملقتكيش. _أكيد مش هتلاقيني أصل أنا مش خرجت من البيت. بصلي بإستغراب واتكلم: _يعني اي مخرجتيش من البيت. _اممم كنت ببات عند مامتك تحت. برق
بعينه واتكلم بصدمة: _اه يا بنت اللذينة يا ماما بقا أنا اروح اتكلم معاها وهي مخبياكِ أصلًا. _وأقولك على حاجة كمان، هي إلي كانت بتخطط معايا علشان تفوق وترجع تحبني.
_أنتو عصابة وأنا بدأت اخاف على نفسي أمي وزوجتي. ضحكت جامد عليه وهو ضحك واخدني في حضنه تاني واتكلم بكل حب: _أنا مبطلتش احبك علشان ارجع احبك أنا حبي ليكي
بيجري في دمي. أحيانًا أم الزوج بتكون أم تانية وبتعوض عن الأم . الأم الحقيقة هي إلي بتضلل على بيت بنتها
